അലക്ഷ്യം!

മാസം തികയും മുൻപേ പിളർന്ന് വന്നു. ഭാവം, അച്ഛനുമുന്നേ അമ്മയെ അറിഞ്ഞവൻ എന്നതായിരുന്നു. പിച്ചവെക്കാൻ പഠിക്കും മുൻപേ പിഴച്ചുവടുകൾ സ്വായത്തമാക്കി. ഉച്ഛാരണശുദ്ധി കൈവരിക്കും മുൻപായി വാക്കുകളിൽ പുരട്ടാനുള്ള വിഷം നാവിൽ ഊറിയിരുന്നു.

ഊറ്റത്തോടെയാണ് തഴച്ചുവളർന്നത്. ചട്ടമ്പികൾക്ക് വഴികാട്ടിയായി കൌമാരം ആഘോഷിച്ചു. ജീവിതത്തിനു‌മേൽ തിന്മകൾ തിടമ്പേറ്റി. പാഠ്യവിഷയത്തിൽ ഉൾപ്പെടാത്തതിലൊക്കെ ഒന്നാമനായി. യൌവ്വനം പെണ്ണിറച്ചി തിന്ന് കൊഴുത്തു. ആദരിക്കാനും ആൾക്കാരുണ്ടെന്ന അത്ഭുതം വെളിപാടായി. മാന്യനും നിഷ്‌പക്ഷനുമായി അഭിനയിച്ചു. നിയമത്തെ ഒരു പാഠം പടിപ്പിക്കാനുറച്ച് ലോ കോളേജ് നിരങ്ങി. വക്കീലെന്ന് ചിലകാലം ചിലർ വിളിച്ചു. സാമൂഹ്യസേവകൻ എന്നവിധം കരുതാനും വിഡ്ഢികൾ ഉണ്ടല്ലോ എന്നത് വിസ്മയമായി.

റിപ്പർ ചന്ദ്രനായിരുന്നു ജീവിതത്തെ സ്വാധീനിച്ച വ്യക്തി. ആദരവിന്റെ മൂർച്ഛയിൽ കൊട്ടുവടി ഒന്ന് സദാ കൂടെക്കൂട്ടി. അതാണ് തമാശയായത്. ഇപ്പോൾ എമ്പോക്കികൾ എന്നെ ‘ജഡ്‌ജ്’ എന്നുവിളിക്കുന്നു. ‘അലക്ഷ്യമാവുമെന്ന’ പേരിൽ വിവരദോഷികൾ എന്നെ ആരാധിക്കുന്നു. ഭയക്കുന്നു. മറുവാക്ക് മറക്കുന്നു. ഭീരുക്കളാണ് ഏറ്റവും വലിയ അനുസരണക്കാർ എന്ന അറിവ് സുദീർഘമായ ഒരു കീഴ്‌ശ്വാസത്തിന്റെ അകമ്പടിയോടെ മുഴങ്ങുന്നു. മുഖ്യന്റെകൂടെയുള്ള ഉച്ചയൂണിന് കിഴങ്ങ് കറിയും ഉണ്ടായിരുന്നല്ലോ!!

(ഫേസ്‌ബുക്കിൽ കുറിച്ചത്)

Comments

ajith said…
റോംഗ് ജഡ്ജ്മെന്റ്
barbrawacek said…
Best Casinos Near Washington DC 2021 - Mapyro
1. Red Rock 구미 출장샵 Casino, Harrah's Metropolis, Maryland - Distance from 양주 출장샵 Center of Washington D.C. to Silver Oak 광명 출장안마 Casino 대구광역 출장샵 and 경주 출장샵 8.1 miles from Circa Center of

Popular posts from this blog

അവർ പാർട്ടിയോട് ചെയ്യുന്നത്; നാടിനോടും.

പ്രണയോർമ്മകൾ!

വേലിക്കകത്ത്, ഒറ്റപ്പെട്ട്...