കോവിഡൻ വന്നു

Image
ശ്രീകാര്യത്ത് കോവിഡ് എത്തി. അതായത് വീട്ടിൽ നിന്നും ഒരു കിലോമീറ്റർ അപ്പുറത്ത് വരെ. വേണമെങ്കിൽ എനിക്ക് അന്തസ്സായി ഒന്ന് ഭയക്കാവുന്നതേയുള്ളൂ. ഞാനാതിന് മുതിരുന്നില്ല. രണ്ടുമാസങ്ങൾക്ക് മുൻപ് വിശാലാടിസ്ഥാനത്തിൽ ഭയന്നിരുന്നു. വല്യ സങ്കടവും തോന്നിയിരുന്നു. മരിക്കാൻ ഇഷ്ടമല്ലാത്ത, അധികമായ അളവിൽ മരണഭയം സൂക്ഷിച്ചുവന്നിരുന്ന ഒരുവനാണല്ലോ ഞാൻ. അങ്ങനെ ഒരുവന്, മരുന്നില്ലാത്ത, ലോകമാകെ പടർന്നുപിടിക്കുന്ന ഒരു രോഗം അതിവേഗം മനുഷ്യരിൽ നിന്നും മനുഷ്യരിലൂടെ ഒഴുകിവരുന്നത് കാണുമ്പോൾ, ജീവിതത്തിൽ ഇന്നുവരെ അനുഭവിക്കേണ്ടി വന്നിട്ടില്ലാത്ത 'ലോക്ഡൌൺ' എന്ന ജീവിതാവസ്ഥയെ അഭിമുഖീകരിക്കേണ്ടി വരുമ്പോൾ, ഭയം തോന്നുക സ്വാഭാവികം. എന്നാൽ കുറച്ചായി എനിക്ക് ഭയമില്ല. കാരണം, കള്ളങ്ങൾകൊണ്ട് ചന്തം കൂട്ടിയതും പിടിപ്പുകേടിനുമുകളിൽ പടക്കപ്പെട്ടതും സ്തുതിപാടകരാൽ തിളക്കം വർദ്ധിപ്പിക്കപ്പെട്ടതുമായ ഒരു സംവിധാനമാണ് നമ്മുടെ സർക്കാർ എന്ന ബോധ്യം എന്നിലുണ്ടായി. അത് സഹിക്കാം. പക്ഷേ, പണമൊഴുക്കിയുള്ള അതിന്റെ പ്രചാരവേലയിലും പാർട്ടിദാസരായ പാണന്മാരുടെ മനം‌മയക്കുന്ന സ്തുതിപാടലുകളിലും മയങ്ങി ഭൂരിപക്ഷം വരുന്ന പ്രബുദ്ധ(?) മലയാളികൾ തികവും മികവ

അലക്ഷ്യം!

മാസം തികയും മുൻപേ പിളർന്ന് വന്നു. ഭാവം, അച്ഛനുമുന്നേ അമ്മയെ അറിഞ്ഞവൻ എന്നതായിരുന്നു. പിച്ചവെക്കാൻ പഠിക്കും മുൻപേ പിഴച്ചുവടുകൾ സ്വായത്തമാക്കി. ഉച്ഛാരണശുദ്ധി കൈവരിക്കും മുൻപായി വാക്കുകളിൽ പുരട്ടാനുള്ള വിഷം നാവിൽ ഊറിയിരുന്നു.

ഊറ്റത്തോടെയാണ് തഴച്ചുവളർന്നത്. ചട്ടമ്പികൾക്ക് വഴികാട്ടിയായി കൌമാരം ആഘോഷിച്ചു. ജീവിതത്തിനു‌മേൽ തിന്മകൾ തിടമ്പേറ്റി. പാഠ്യവിഷയത്തിൽ ഉൾപ്പെടാത്തതിലൊക്കെ ഒന്നാമനായി. യൌവ്വനം പെണ്ണിറച്ചി തിന്ന് കൊഴുത്തു. ആദരിക്കാനും ആൾക്കാരുണ്ടെന്ന അത്ഭുതം വെളിപാടായി. മാന്യനും നിഷ്‌പക്ഷനുമായി അഭിനയിച്ചു. നിയമത്തെ ഒരു പാഠം പടിപ്പിക്കാനുറച്ച് ലോ കോളേജ് നിരങ്ങി. വക്കീലെന്ന് ചിലകാലം ചിലർ വിളിച്ചു. സാമൂഹ്യസേവകൻ എന്നവിധം കരുതാനും വിഡ്ഢികൾ ഉണ്ടല്ലോ എന്നത് വിസ്മയമായി.

റിപ്പർ ചന്ദ്രനായിരുന്നു ജീവിതത്തെ സ്വാധീനിച്ച വ്യക്തി. ആദരവിന്റെ മൂർച്ഛയിൽ കൊട്ടുവടി ഒന്ന് സദാ കൂടെക്കൂട്ടി. അതാണ് തമാശയായത്. ഇപ്പോൾ എമ്പോക്കികൾ എന്നെ ‘ജഡ്‌ജ്’ എന്നുവിളിക്കുന്നു. ‘അലക്ഷ്യമാവുമെന്ന’ പേരിൽ വിവരദോഷികൾ എന്നെ ആരാധിക്കുന്നു. ഭയക്കുന്നു. മറുവാക്ക് മറക്കുന്നു. ഭീരുക്കളാണ് ഏറ്റവും വലിയ അനുസരണക്കാർ എന്ന അറിവ് സുദീർഘമായ ഒരു കീഴ്‌ശ്വാസത്തിന്റെ അകമ്പടിയോടെ മുഴങ്ങുന്നു. മുഖ്യന്റെകൂടെയുള്ള ഉച്ചയൂണിന് കിഴങ്ങ് കറിയും ഉണ്ടായിരുന്നല്ലോ!!

(ഫേസ്‌ബുക്കിൽ കുറിച്ചത്)

Comments

ajith said…
റോംഗ് ജഡ്ജ്മെന്റ്

Popular posts from this blog

ഉന്മേഷം തുടിക്കുന്ന ഒരുണർവ്വ്...

ജി.സ്പോട്ട് - ഒരു അശ്ലീല കഥ

ഒരു പ്രണയം! ബഹുവിധം!!